Plantun de Prouvènço

Pèr coumpara dos planto d'encò nostre

Vicia segetalis & Pinus mugo subsp. mugo

Vicia segetalis

Fabaceae Leguminosae

Nom en français : Vesce des moissons.

Descripcioun :
Sèmblo proun à la vesso-fèro, Vicia sativa, pamens se n'en destrìo qu'a li flour pu pichoto (< 1,6 en liogo de > 2 cm) amé d'alo pus acoulourido, de fuioun mai en lanço, de grano pu pichoto (< 3 mm) e subretout de dóusso mens longo (<6 mm) e negro un cop maduro.

Usanço :
La flour èi manjadisso. Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Grando erbo
Taio : 10 à 80 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) flour : 1 à 1,6 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Mars à juliet

Liò : Champ - Camin - Ermas
Estànci : Termoumediterran à Coulinen
Couroulougi : Óurigino Irano-touranienno
Ref. sc. : Vicia segetalis Thuill., 1799 (= Vicia sativa subsp. segetalis (Thuill.) Celak., 1875 )

Pin(-de-mountagno)

Pinus mugo subsp. mugo

Pinaceae

Noms en français : Pin de montagne, Pin couché.

Descripcioun :
Lou pin-de-mountagno, Pinus mugo subsp. mugo, rebalo au sòu e fai raramen mai de 2 m d'aut. Trachis dins quàuqui relarg secarous dis Aup Marino e dis Autis Aup souvènt sus li cresten. Se destrìo dóu pin-à-crouchet que justamen lis escaumo an quàsi ges de crouchet.

Usanço :
Li jóuini brout podon servi à faire de sirop e d'aigardent. Lou cor dóu bos servié à passa tèms de faire de tié (vèire à Pin-gavot) pèr s'esclara.